Трајност, бесконечен придонес и темел за квалитет посведочени со еден и единствен збор – класика. Замислите колку е моќна врската помеѓу класиката и музиката, како едно од најсовршените човекови откритија. Класичната музика се доживува како музика што вечно ќе прозвучува низ етерот на возвишеното совршенство.
Дали сте се запрашале некогаш какво е влијанието на класичната музика врз нашето битие? Докажано е дека таа има мошне благотворно и смирувачко влијание.
На пример, во психотерапијата воведена е и посебна гранка, која е позната под поимот музикотерапија – терапија во која се имплементираат сите елементи на музиката (звук, ритам, мелодија и хармонија), кои доведуваат до исцелување и мошне позитивни резултати.
Исто така, научно докажано е дека моќта на музиката може да придонесе кон: подобро управување со стрес, подобра комуникација, појасно изразување чувства, подобро помнење, ублажување телесни болки, задоволство од животот, опуштање, смиреност итн.
Ако размислиме подлабоко, ќе сфатиме дека музиката е неизбежен дел од нашето секојдневие и има голем придонес врз нашата емоционална состојба. Размислете како нашите емоции кореспондираат со музиката што ја слушаме и како тоа се одразува на нашето битисување секојд невно, а и на долги стази.
За крај, би додала дека треба да сме свесни за моќта на музиката, да ја користиме нејзината благотворност, внимателно да одбираме каква музика слушаме и какво влијание има таа врз нас и нашата личност.
Музиката е најдобриот небесен подарок за човештвото. Таа само појаснува, смирува и теши. – П.И. Чајковски
Јулијана Деспотоска, студентка на Факултетот за музичка уметност
Related Posts
